Jedel medıtsınalyq kómek azamattar úshin árqashan da tegin bolady - K.Másimov
TANA. 28 qarasha. QazAqparat /Marlan Jıembaı/ - Jedel medıtsınalyq kómek azamattar úshin árqashan da tegin bolady. Bul týraly búgin Úkimettiń selektorlyq formattaǵy otyrysynda Premer-Mınıstr K.Másimovtiń saýalyna jaýap bergen Densaýlyq saqtaý mınıstri Salıdat Qaıyrbekova málim etti.
Úkimet basshysynyń atap ótýinshe, sońǵy ýaqytta bireýler qoǵamda jedel medıtsınalyq kómek shaqyrý aqyly bolmaq degen máseleni kóterip, dúrbeleń týǵyzýda. Osy oraıda K.Másimov atalǵan jaıttyń basyn ashyp, bul qyzmettiń aqyly ne aqysyz bolatynyn aıtýdy ótindi.
«Kárim Qajymqanuly, «Salamatty Qazaqstan» memlekettik baǵdarlamasynda tólem jasaý tetikterin engizý máselesin qarastyrý jaıynda sóz bolǵan edi. Talqylaý barysynda úkimettik emes uıymdar osy máseleni kóterdi. Bizde ýaqyt bar. Másele tek talqylanyp jatyr. Bul oraıda jedel medıtsınalyq kómek, shuǵyl kómek tipti talqylaýǵa da jatpaıdy, ol burynǵydaı tegin bola beredi», - dedi mınıstr.
Óz kezeginde Úkimet basshysy: «Demek jedel kómek azamattar úshin árqashan da tegin bolady. Másele tipti talqylaýǵa da jatpaıdy» dep atap óte kele, Densaýlyq saqtaý mınıstrine atalǵan máseleni qoǵamǵa keńinen túsindirý jumystaryn júrgizýdi tapsyrdy.
