Jedel kómek shaqyrýǵa arnalǵan «SOS batyrmasy» qaı óńirlerde ornatylady
«Biz pılottyq rejımde «SOS batyrmasy» júıesin iske qostyq. Ázirge Talapker eldimekenine barar jolda testtik rejımde bir qurylǵy jumys istep tur. Bul qurylǵylar Nur-Sultan, Almaty, Shymkent jáne Túrkistan qalalarynda ornatylady. Olar saıabaqtarda, halyq kóp jınalatyn jerler men dalalarǵa bolady, turǵyndar telefony óship qalsa nemese oqys oqıǵalar bolsa, osy batyrmany basa alady. Beınejazba nemese aýdıo jaqyn mańdaǵy jedel basqarý ortalyǵyna túsedi jáne kartada ornalasqan jeri kórsetiledi, eger júginýshi kómekke muqtaj bolsa, patrýldik mashına nemese jaıaý polıtsııa jasaǵy jiberiledi», - dedi Sáken Sársenov Nur-Sultan qalasynyń jedel basqarý ortalyǵynda tilshilerge bergen suhbatynda.
Onyń aıtýynsha, «SOS batyrmasy» jobasy birneshe kompanııanyń qatysýymen memlekettik-jekeshelik áriptestik aıasynda júzege asyrylýda. Jaqyn arada onyń tanystyrylymy ótedi.
Aıta keteıik, S.Sársenov 1 aqpanda iske qosylǵan «102» mobıldik qosymshasynyń alǵashqy nátıjeleri týraly aıtyp berdi. Jedel basqarý ortalyqtarynda myńǵa jýyq operator jumys isteıdi, olardyń 400-ge jýyǵy beıne qońyraýlarmen jumys isteıdi. Jaqyn arada qosymshanyń qazaq tilindegi nusqasy iske qosylady.