Jedel keńes barysynda soltústikqazaqstandyq polıtseılerge birqatar tapsyrmalar berildi
ASTANA. QazAqparat - Jedel keńestiń jumysyna Soltústik Qazaqstan oblysynyń ákimi Erik Sultanov, Qazaqstan Respýblıkasy Іshki ister mınıstriniń orynbasary polıtsııa general-maıory Erlan Turǵymbaev, quqyq qorǵaý jáne memlekettik organdardyń basshylary, úkimettik emes uıymdardyń, jergilikti atqarýshy bılik ókilderi, SQO ІІD janyndaǵy Konsýltatıvtik-keńesshi organ músheleri qatysty.
Bul týraly SQO ІІD baspasóz qyzmeti habarlady.
Keńestiń kún tártibinde - SQO ishki ister organdarynyń, sonymen qatar TJD men QAJD jedel-qyzmettik jumysynyń qorytyndysy.
SQO ІІD bastyǵy polıtsııa general-maıory Berik Bilálov soltústikqazaqstandyq polıtsııa jumysynyń qorytyndysy týraly habardar etti. Onyń málimetinshe, 2016 jyly Soltústik Qazaqstan oblysynda 9031 qylmys tirkelgen, bul 2015 jylmen salystyrǵanda 11%-ǵa tómen. Oblysta qylmystyń barlyq sanattarynyń tómendeýiniń oń dınamıkasy baıqaldy. Bótenniń múlkin urlaýmen kúres máselelerinde de ilgerileýshilik bar. Barlyq derlik qylmystardy ashý kórsetkishi jaqsardy. Osy jaǵdaılar SQO ІІD-niń respýblıkada aldyńǵy oryndardan kórinýine múmkindik beredi.
Polıtsııa vedomstvosynyń basshysy quqyq qorǵaý organdaryn materıaldyq-tehnıkalyq jaraqtandyrý máselelerine aıryqsha kóńil bóletin jergilikti atqarýshy organdardyń jan-jaqty qoldaýyn erekshe atap ótti. Sóz sońynda, ol 2017 jyl SQO ІІD Jergilikti polıtsııa qyzmetiniń jyly ekendigine toqtala ketti.
Vıtse-mınıstr, polıtsııa general-maıory Erlan Turǵymbaev keńes barysynda Qylmystyq-atqarý júıesi departamentiniń basshylyǵyna bas bostandyǵynan aıyrý oryndarynan bosap shyqqan tulǵalardy áleýmettik ońaltý turǵysynda ishki ister organdarymen ózara qarym-qatynas júrgizý qajettigin atap ótti. Probatsııa qyzmeti bul adamdarǵa jańa ortaǵa beıimdelýde kómek kórsetýi tıis. Al, kóktemgi sý tasqynyna daıyndyq jumystaryn uıymdastyrý Tótenshe jaǵdaılar departamentine tapsyryldy.
«Quqyq buzýshylyqtardyń aldyn alýda jáne eskertýde kómek kórsetý maqsatynda, jergilikti atqarýshy organdar tarapynan jergilikti polıtsııanyń materıaldyq-tehnıkalyq qamtamasyz etilýin nyǵaıtý, soltústikqazaqstandyq tártip saqshylarynyń jumys jaǵdaıyn jaqsartý boıynsha sharalar qabyldanýda. Osylaısha, 2016 jyly oblys bıýdjetinen jergilikti polıtsııa qyzmeti úshin avtokólik pen basqa da tehnıkalyq quraldar alýǵa 514 mıllıon teńge bólindi. Ústimizdegi jyly «Qaýipsiz qala» ádisi boıynsha beınebaqylaý kameralaryn alýǵa jáne ornatýǵa, Taıynsha AІІB ýaqytsha ustaý ızolıatoryna arnalǵan ǵımarat alýǵa 430 mıllıon teńge bólý josparlanǵan», - dedi oblys ákimi Erik Sultanov óz sózinde. Oblys ákimi polıtseılerdi qarqyndy túrde jumys isteýge baǵdarlady. Erik Hamzauly jedel-qyzmettik jumysynyń nátıjesi boıynsha úzdik dep tanylǵan ishki ister organdary bólinisteriniń basshylaryna gramotalar men baǵaly syılyqtar tapsyrdy. Jıynda Uıymdasqan qylmysqa qarsy kúres basqarmasy, Tergeý basqarmasy, SQO ІІD Jergilikti polıtsııa qyzmeti marapattaldy. Aýdandyq bólinister arasynda Jambyl, Ýálıhanov jáne Shal aqyn aýdandarynyń ІІB úzdik atandy.
Іs-sharanyń taǵy bir erekshe oqıǵasy QR Іshki ister vıtse-mınıstriniń Soltústik Qazaqstan oblysy Іshki ister departamentine tý tabys etýi boldy. «...Óz boryshyna adal qyzmet etýdiń sımvoly bolyp tabylatyn tý soltústikqazaqstandyq polıtseılerdi patrıottyqqa tárbıeleý men kásibı ózekti nyǵaıtýdyń erekshe belgisi bolady...», - dep atap ketti vıtse-mınıstr.
Jedel keńes aıaqtalǵan soń polıtsııa general-maıory Erlan Turǵymbaev birqatar obektilerge, naqtyraq aıtqanda Halyqqa qyzmet kórsetý ortalyǵyna, turǵyn úıge muqtaj polıtsııa qyzmetkerlerine jataqhana ashý úshin josparlanǵan ǵımaratqa, «Dınamo» stadıonynyń jóndeýden ótken sportzalyna bardy.
