Jedel izdestirý is-sharalaryn júrgizýge arnalǵan arnaıy tehnıkalyq quraldar salasyndaǵy qyzmet túrine qoıylatyn biliktilik talaptary bekitildi

 Qazaqstan Respýblıkasy Úkimetiniń qaýlysy №412

2012 jylǵy 31 naýryz,  Astana, Úkimet Úıi

Jedel izdestirý is-sharalaryn júrgizýge arnalǵan arnaıy
 tehnıkalyq quraldar salasyndaǵy qyzmet túrine
qoıylatyn biliktilik talaptaryn bekitý týraly

«Lıtsenzııalaý týraly» Qazaqstan Respýblıkasynyń 2007 jylǵy 11 qańtardaǵy Zańynyń 6-babynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan jedel izdestirý is-sharalaryn júrgizýge arnalǵan arnaıy tehnıkalyq quraldar salasyndaǵy qyzmet túrine qoıylatyn biliktilik talaptary bekitilsin.
2. «Jedel izdestirý is-sharalaryn júrgizý úshin arnaıy tehnıkalyq quraldar salasyndaǵy qyzmetti lıtsenzııalaý erejesin jáne osy qyzmet túrlerine qoıylatyn biliktilik talaptaryn bekitý týraly» Qazaqstan Respýblıkasy Úkimetiniń 2007 jylǵy 23 maýsymdaǵy № 528 qaýlysynyń (Qazaqstan Respýblıkasynyń PÚAJ-y, 2007 j., № 21, 238-qujat) kúshi joıyldy dep tanylsyn.
3. Osy qaýly alǵashqy resmı jarııalanǵanynan keıin kúntizbelik jıyrma bir kún ótken soń qoldanysqa engiziledi.

                                                                      Qazaqstan Respýblıkasynyń Premer-Mınıstri K.MÁSІMOV.

Qazaqstan Respýblıkasy Úkimetiniń
2012 jylǵy 31 naýryzdaǵy № 412 qaýlysymen bekitilgen

Jedel izdestirý is-sharalaryn júrgizýge arnalǵan arnaıy tehnıkalyq quraldar
salasyndaǵy qyzmetke qoıylatyn biliktilik talaptary
1. Jedel izdestirý is-sharalaryn júrgizýge arnalǵan arnaıy tehnıkalyq quraldardy (budan ári - ATQ) ázirleý, óndirý, jóndeý jáne ótkizý jónindegi qyzmet mynadaı kishi qyzmet túrlerin qamtıdy:
1) ATQ-ny ázirleý jáne óndirý;
2) ATQ-ny jóndeý jáne ótkizý.
2. ATQ salasyndaǵy qyzmetke qoıylatyn biliktilik talaptary:
1) joǵary tehnıkalyq bilimi bar mamannyń;
2) Qazaqstan Respýblıkasynyń memlekettik qupııalaryn quraıtyn málimetterdi paıdalana otyryp, málimdelgen qyzmet túri boıynsha jumys júrgizýge Qazaqstan Respýblıkasynyń ulttyq qaýipsizdik organdary beretin ruqsattyń;
3) osy biliktilik talaptarynyń qosymshasyna sáıkes eń az tehnıkalyq quraldar men baqylaý-ólsheý jabdyqtarynyń;
4) biliktilik synaqtyń nátıjeleri boıynsha júzege asyrylatyn málimdelgen tulǵalardyń bilim deńgeıin baǵalaýdyń bolýyn qamtıdy. ATQ salasyndaǵy biliktilik synaqtaryn tapsyrý úshin suraqtar tizbesin lıtsenzıar belgileıdi.
3. ATQ-ny ázirleý jáne óndirý jónindegi qyzmetti júzege asyrý úshin mynadaı qosymsha biliktilik talaptary belgilenedi:
1) arnaıy bólingen óndiristik úı-jaıdyń (jeke menshik quqyǵy nemese ózgeshe zańdy negiz bolǵan kezde);
2) ázirlenetin jáne óndirilgen ATQ-ny saqtaý úshin oqshaýlandyrylǵan úı-jaıdyń (jeke menshik quqyǵy nemese ózgeshe zańdy negiz bolǵan kezde).
Bul rette úı-jaılar:
1) terezeleri temir tormen;
2) táýliktik kúzet pýltine qosylǵan kúzet jáne órtten qorǵaý sıgnalızatsııasy júıelerimen;
3) eki qulypty qurylǵysy bar mórlenetin temir esiktermen;
4) mórlenetin keminde bir temir shkafpen jabdyqtalýy tıis.
4. ATQ-ny jóndeý jáne ótkizý jónindegi qyzmetti júzege asyrý úshin jeke menshik quqyǵynda nemese ózge zańdy negizdegi arnaıy bólingen úı-jaıdyń bolýyn qamtıtyn qosymsha biliktilik talap belgilenedi.
Bul rette úı-jaı:
1) terezeleri temir tormen;
2) táýliktik kúzet pýltine qosylǵan kúzet jáne órtten qorǵaý sıgnalızatsııasy júıelerimen;
3) qulyptalatyn mórlenetin temir esiktermen;
4) arnaıy tehnıkalyq quraldardy, jáne olarǵa tehnıkalyq qujattamalardy saqtaý úshin mórlenetin keminde bir temir shkafpen jabdyqtalýy tıis.

Jedel izdestirý is-sharalaryn júrgizýge arnalǵan arnaıy tehnıkalyq quraldar salasyndaǵy qyzmet túrine qoıylatyn biliktilik talaptaryna qosymsha

Tehnıkalyq quraldardyń jáne baqylaý-ólsheý jabdyqtarynyń
eń az qajetti TІZBESІ

R/s
№    Tehnıkalyq quraldardyń jáne baqylaý-ólsheý jabdyqtarynyń ataýy
1    mýltımetr
2    ostsıllograf
3    voltmetr
4    ampermetr
5    jıilik ólshegish
6    joǵary jıilikti sıgnaldardyń generatory
7    tómengi jıilikti sıgnaldardyń generatory
8    tok kúshi men kerneýi rettelinetin turaqty tok kózi
9    rettelinetin aınymaly kerneý kózi (avtotransformator)
10    óris ındıkatory
11    dánekerleıtin stantsııa