Jedel áreket etken órt sóndirýshi sábıdi qutqardy
ASTANA. QazAqparat - AQSh-tyń Djordjııa shtatynda órt sóndirýshi búldirshindi ajaldan qutqardy. Oqys oqıǵa vıdeoǵa túsirilgen.
Órt sóndirýshi Robert Satton De-Kalb okrýginde otqa oranǵan ǵımaratqa alǵashqylardyń biri bolyp jetken. «Úı lapyldap janyp jatty, qara tútinnen eshnárse kórinbedi»,- dedi jergilikti Satton NBC11 telearnasyna bergen suhbatynda. «Biz otqa oranǵan úıde adamdardyń bar ekendigin bilmedik».
Telearnanyń habarlaýynsha, úıdi teksermek bolǵan Satton buryshty aınala bere, ekinshi qabattaǵy terezeniń ashylǵanyn baıqaǵan. Onda qolynda sábıi bar er adamnyń sulbasy kóringen.
«Men oǵan balany laqtyr dedim. Ol tastaǵan kezde jerge túsirmeı qaǵyp aldym»,- deıdi Satton.
