Jedel aldyn alý is-sharasy kezinde eki saǵattyń ishinde JQE buzýdyń 144 oqıǵasy tirkeldi
ASTANA. 21 jeltoqsan. QazAqparat - Elordalyq Іshki ister departamenti jol-patrýl polıtsııasynyń qyzmetkerleri apta saıyn juma kúnderi tańerteń «Jaıaý júrginshilerdiń qaýipsizdigi kúni» aldyn alý is-sharasyn ótkizedi. Bul týraly ІІD baspasóz qyzmetine silteme jasap astana.kz habarlady.
«Aldyn alý is sharasy Astana qalasynyń aýmaǵynda jaıaý júrginshiler arasynda jol qozǵalysy erejelerin buzý jáne apattylyq jaǵdaılaryn tómendetý maqsatynda júrgiziledi», - delingen habarlamada.
Jaıaý júrginshilerdiń JQE óreskel buzýyna, jaıaý júrginshiler jolynan ótý erejelerin saqtamaýǵa, kólik quraldaryn basqarý kezinde uıaly telefondy paıdalanýǵa tyıym salýǵa jáne qaýipsizdik beldikterin paıdalaný erejelerin buzý faktilerine basa nazar aýdarylady.
«Jaıaý júrginshilerdiń qaýipsizdigi kúni» aldyn alý is-sharasy ótkizilgen eki saǵattyń ishinde polıtseıler JQE buzýdyń 144 oqıǵasyn tirkedi, sonyń ishinde, jaıaý júrginshilerdiń erejelerdi buzýdyń 95 faktisi, kólik quraldaryn basqarý kezinde uıaly telefondy paıdalanýdyń 5 faktisi jáne basyp ótý jáne manevrleýdiń 14 faktisi. Sonymen qatar, jol 8 júrgizýshi jolǵa qoqys tastaǵany úshin ustaldy. Tártip buzýshylarǵa qatysty polıtsııa qyzmetkerleri ákimshilik hattamalar toltyrdy.
