Jibek jolynyń aıǵa uqsas peızajdary: The Washington Post nazary Mańǵystaýda
ASTANA. KAZINFORM — Bedeldi The Washington Post basylymy Mańǵystaý oblysynyń landshafttaryna nazar aýdardy. Maqalada Qazaqstannyń týrıstik lokatsııalary Jibek jolynyń aıǵa uqsas peızajdary retinde sıpattalady.
Materıal avtory óńirge jasaǵan sapary týraly baıandap, sheteldik aýdıtorııanyń nazaryn Bozjyra, Torysh shatqaldary men Jyǵylǵan oıpatynyń tabıǵı biregeıligine aýdarady.
«Torysh nemese Sharlar alqaby — landshaft boıyna ýaq tastardan bastap iri valýndarǵa deıingi júzdegen domalaq tastar shashyraı ornalasqan oryn. Ǵalymdar olardyń qalaı paıda bolǵany jóninde áli kúnge deıin ortaq pikirge kelgen joq. Al men alqap bir kezderi qudaılardyń oıyn bólmesi bolǵan degen jergilikti teorııany quptaımyn.
Jyǵylǵan — uzyndyǵy birneshe shaqyrymǵa sozylatyn, ǵımarattarmen shamalas tastarǵa toly oıpat. Alystan qaraǵanda, bir kezderi Kaspıı teńiziniń jaǵasynda bir alyp otyryp, astyndaǵy jerdi oıyp ketkendeı áser qaldyrady», — dep jazady The Washington Post.
Materıalda oqshaýlanǵan ári aýtentıkalyq saıahat tájirıbesine erekshe nazar aýdarylady.
Mańǵystaý oblysynyń tanymdyq týrızm baǵyty retindegi halyqaralyq tartymdylyǵy artyp keledi, bul týrıstik aǵynnyń ósýimen de baıqalady.
Aıta keteıik, Bozjyrada alǵashqy qonaqúı qurylysy bastaldy.