«Jibek joly» týrnıri: Qazaqstannyń eki boksshysy jarysty jalǵastyrady

ASTANA. KAZINFORM - Bokstan Ázerbaıjan astanasy Baký qalasynda ótip jatqan «Jibek joly» halyqaralyq týrnırinde alǵashqy oıyn kúniniń nátıjesi belgili boldy.

11 sáýirde el quramasynan alty boksshy sharshy alańǵa shyqty. Olardyń arasynan ekeýi jarysty jalǵastyrýǵa múmkindik alsa, qalǵany qarsylastaryna ese jiberip qoıdy.

Bul kúni 75 kelide Sanjaráli Begalıev ázerbaıjandyq Farhad Sheıdaevti 5:0, Maqsat Ótegenov sol eldiń taǵy bir ókili Rasım Chobanlıdi 3:2 esebimen tize búktirdi.

Al Janseri Kósherbaev (60 keli), Shyńǵys Mýsınov (60 keli), Bekzat Maǵjan (63,5 keli), Elnur Súıinbaı (71 keli) qarsylastaryna ese jiberdi.

Sondaı-aq el quramasy sapynda Dýlat Bekbaýov (67 keli), Óner Seıilhan (75 keli) sııaqty tanymal boksshylar bar. Olamen birge jas boksshylar da synǵa túsedi.

Dúbirli dodaǵa qatysatyn bylǵary qolǵap sheberleri 11 salmaqta synǵa túsedi.

Atalǵan týrnır 16 sáýir kúni máresine jetedi.