«Jibek joly» týrnıri: Qazaqstan áıelder quramasynan eki boksshy chempıon atandy

ASTANA. KAZINFORM - Ázerbaıjan astanasy Baký qalasynda ótip jatqan «Jibek joly» halyqaralyq týrnırinde Qazaqstan áıelder quramasy qansha medal alǵany belgili boldy.

El quramasy atalǵan týrnırde 2 altyn, 1 kúmis, 6 qola medal aldy.

Qazaqstandyq boksshylar arasynan Elına Bazarova (54 keli) ázerbaıjandyq Darıa Panteleeva, Vıktorııa Baıdýkova (57 keli) reseılik Darııa Abramovany tize búktirip, jeńis tuǵyryna kóterildi.

Al Anja Sádýaqasova (52 keli) ázerbaıjandyq Zeınab Rahımovaǵa ese jiberip, kúmis júldeni qanaǵat tutty.

Sondaı-aq el quramasynan Gúlnaz Bóribaeva (48 keli), Elıanýr Týrganova (50 keli), Tomırıs Myrzaqul (52 keli), Symbat Álıasqar (54 keli), Azıza Isına (70 keli) jáne Dına Islambekova (81 keliden joǵary) qola júldeger atandy.

Eske salsaq, qazaqstandyq alty boksshy fınalǵa shyqty.