Jibek Qulambaevanyń juptyq syndaǵy jeńis serııasy Chılıde jalǵasty

ASTANA. KAZINFORM — Tennısten Qazaqstan ulttyq quramasynyń múshesi Jibek Qulambaeva juptyq synda Kolına (Chılı) chellendjer týrnıriniń jartylaı fınalyna shyqty.

jibek qulambaeva
Foto: ktf.kz

Jarystyń 2-raketkasy bolyp tirkelgen J.Qulambaeva slovenııalyq Veronıka Erıavetspen birge shırek fınalda túrkııalyq Ipek Oz – grekııalyq Despına Papamıhaıldy qapy qaldyrdy.

Birinshi partııada qazaqstandyq-slovenııalyq jup bet qaratpady – 6:0.

Jibek pen Veronıka ekinshi sette de sol qarqynynan jańylǵan joq – 6:2.

Bir saǵattan sál astam ýaqytqa sozylǵan báseke barysynda qazaqstandyq-slovenııalyq jup 10 breık-poınttyń altaýyn paıdalandy. Oz – Papamıhaıl 1 breıkten (2 breık-poınt) asa almady.

J.Qulambaeva – V.Erıavetstiń jartylaı fınaldaǵy qarsylastary keıin anyqtalady.

Kolına dodasynyń júlde qory 115 myń AQSh dollaryna baǵalanǵan. Juptyq saıys jeńimpazdary ekeýi 6 myń dollar alyp, árqaısysy 125 reıtıngilik upaıǵa qol jetkizedi.

Osylaısha, jeńis serııasyn Chılıde jalǵastyrǵan qazaqstandyq-slovenııalyq dýet ótken aptada Kolýmbııadaǵy dál osyndaı jarysta chempıon atanǵan edi. Sonyń nátıjesinde dúısenbide jańartylǵan reıtıngide Jibek Qulambaeva juptyq synda alǵash ret 86-orynǵa kóterilgen bolatyn.

Eske sala keteıik, budan buryn Jibek Qulambaevanyń Kolýmbııadaǵy týrnırdiń chempıony atanǵanyn jazǵan edik.

Sondaı-aq qazaqstandyq jas tennısshi Ózbekstandaǵy jarysta top jardy.