Jibek Qulambaeva juptyq synda Úndistandaǵy týrnırdiń shırek fınalyna shyqty
ASTANA. KAZINFORM — Qazaqstan ulttyq quramasynyń múshesi Jibek Qulambaeva juptyq synda Chennaı (Úndistan) WTA 250 týrnıriniń shırek fınalyna joldama aldy.
Qazaqstandyq tennısshi alǵashqy aınalymda aýstralııalyq Gabrıella Da Sılva Fıkpen birge japonııalyq Hıroko Kývata — úndistandyq Ankıta Raınaǵa tap keldi.
Match qazaqstandyq-aýstralııalyq dýettiń aıqyn basymdylyǵymen ótip, 6:1, 6:1 esebimen aıaqtaldy.
Bir saǵatqa sozylǵan básekede Qulambaeva — Fık eıs jasamaǵanymen, 10 breık-poınttyń teń jartysyn paıdalandy. Jibek Qulambaeva — Gabrıella Da Sılva Fıktiń shırek fınaldaǵy qarsylastary keıin anyqtalady.
Qazaqstandyq tennısshi jekeleı synda da jarysty jalǵastyryp jatyr.
Eske sala keteıik, budan buryn jas tennısshilerdiń Aqtóbede halyqaralyq týrnırde úsh chempıondyq ataqty jeńip alǵanyn jazǵan edik.
Sondaı-aq Jibek Qulambaeva Úndistandaǵy týrnırde japonııalyq tennısshini ekinshi ret jeńdi.
