Jibek Qulambaeva juptyq synda Túrkııadaǵy jarystyń jartylaı fınalyna shyqty
ASTANA. KAZINFORM — Qazaqstandyq tennısshi Jibek Qulambaeva juptyq synda Samsýn (Túrkııa) chellendjer týrnırinde ekinshi kezdesýinde jeńiske qol jetkizdi.
Jarystyń 4-raketkasy bolyp tirkelgen qazaqstandyq tennısshi horvatııalyq Lýchııa Chırıch-Bagarıchpen birge shırek fınalda shveıtsarııalyq Naıma Karamoko — germanııalyq Noma Noha Akýgemen betpe-bet keldi.
Bul atalmysh juptardyń ózara alǵashqy kezdesýi edi.
Birinshi partııada esep 1:1 bolǵan mezette Jibek pen Lýchııa breık jasap, sosyn óz geımin de aldy — 3:1. Sodan keıin taǵy bir breıkpen túıindedi — 6:3.
Ekinshi sette de qazaqstandyq-horvatııalyq jup 5:3 esebimen alǵa ketti. Alaıda matchqa dop bergende, óz múmkindigin paıdalana almady. Degenmen oıyndy breıkpen aıaqtady — 6:4.
Bir saǵat 11 mınýtqa sozylǵan básekede Qulambaeva — Chırıch-Bagarıch eıs jasamaǵanymen, 5 breık-poınttyń tórteýin paıdalandy. Shveıtsarııalyq-germanııalyq dýet 4 eıs, 1 breıkpen (3 breık-poınt) kózge tústi.
Jibek Qulambaeva — Lýchııa Chırıch-Bagarıch fınalǵa shyǵý úshin dodanyń 1-raketkalary, reseılikter Ekaterına Prıdankına — Anastasııa Tıhonovamen talasady.
Eske sala keteıik, budan buryn Grıgorıı Lomakınniń Qytaıdaǵy týrnırdiń shırek fınalyna shyqqanyn jazǵan edik.
Grıgorıı Lomakın ózbekstandyq tennısshi Sergeı Fomınmen birge Ýnın (Qytaı) chellendjer týrnıriniń shırek fınalynda reseılikter ıAroslav Demın — Tımofeı Derepaskoǵa jol berdi — 4:6, 6:7 (3:7).
Búgin reseılik jup fınalǵa shyqty.
