Jibek Qulambaeva juptyq synda Qytaıdaǵy jarystyń fınalyna shyqty
ASTANA. KAZINFORM — Qazaqstandyq tennısshi Jibek Qulambaeva juptyq synda Baotoý (Qytaı) ITF W50 týrnıriniń fınalyna joldama aldy.
Jarystyń 2-raketkasy bolyp tirkelgen qazaqstandyq tennısshi reseılik Ekaterına Reıngoldpen birge jartylaı fınalda qytaılyq Jangsý Han – amerıkalyq Emı Jýdy synap kórdi.
Tartystylaý órbigen birinshi set 7:5 esebimen qazaqstandyq-reseılik juptyń paıdasyna sheshildi. Olar ekinshi partııada aıqyn basymdylyq tanytty – 6:1.
Bir saǵat 8 mınýtqa sozylǵan básekede Qulambaeva – Reıngold 3 eıspen birge 5 breıkke qol jetkizdi.
Jibek Qulambaeva – Ekaterına Reıngold fınalda ıtalııalyq Dıletta Cherýbını – qytaılyq Chengı ıÝan jáne kort ıeleri Meıkı Go – Tszın-Tszın Lý juptarynyń qaı jeńgenimen bas júldeni sarapqa salady.
Eske sala keteıik, budan buryn Arýjan Saǵyndyqovanyń Mysyrdaǵy jarystyń shırek fınalyna joldama alǵanyn jazǵan bolatynbyz.
