Jibek Qulambaeva juptyq synda Qytaıdaǵy týrnırdiń shırek fınalyna shyqty
ASTANA. KAZINFORM — Qazaqstandyq tennısshi Jibek Qulambaeva juptyq synda Baotoý (Qytaı) ITF W50 týrnırin sátti bastady.
Jarystyń 2-raketkasy bolyp tirkelgen qazaqstandyq tennısshi reseılik Ekaterına Reıngoldpen birge bastapqy kezdesýin lıtvalyq ıÝstına Mıkýlskıte — qytaılyq Han Shımen ótkizdi.
Birinshi partııada qazaqstandyq-reseılik jup 6:3 esebimen basym tústi.
Ekinshisinde qytaılyq-lıtvalyq dýet ese qaıyrdy — 6:4. Degenmen sýper taı-breıkte Qulambaeva — Reıngold jeńisti julyp aldy — 10:4.
Match 1 saǵat 35 mınýtqa sozyldy.
Jibek pen Ekaterınanyń kelesi qarsylastary keıin belgili bolady.
J.Qulambaeva keshe jańartylǵan juptyq reıtıngide 144-ten 161-ge tómendedi. Sondyqtan kórsetkishin jaqsartý úshin reıtıngilik upaı jınaý qajet-aq.
Qazaqstandyq tennısshi osy dodada jekeleı synda da óner kórsetedi. Reıtıngide 395-orynda turǵan onyń alǵashqy qarsylasy — álemniń 326-raketkasy, 19 jastaǵy japonııalyq Sara Saıto.
Jibektiń Astanada Bıllı Djın Kıng kýbogynyń Kanadamen ótken irikteý matchynda Qazaqstan quramasy sapynda óner kórsetip, komandanyń fınaldyq kezeńge joldama alýyna úles qosqany belgili. Bul — sodan keıingi alǵashqy jarysy.
Eske sala keteıik, budan buryn Býblık pen Shevchenkonyń Madrıd masters týrnırinde baq synaıtynyn jazǵan bolatynbyz.
