Jibek Qulambaeva juptyq synda Bolgarııadaǵy týrnırdiń jartylaı fınalyna shyqty
ASTANA. KAZINFORM — Qazaqstan quramasynyń múshesi Jibek Qulambaeva juptyq synda Haskovo (Bolgarııa) ITF W50 týrnıriniń jartylaı fınalyna joldama aldy.
Ýkraınalyq Valerııa Strahovamen birge dodanyń birinshi raketkasy bolyp tirkelgen qazaqstandyq tennısshi aldymen bolgarııalyqtar Lıdııa Encheva - Denıslava Glýshkovadan aılasyn asyrdy – 6:2, 4:6, 10:5.
Búgin qazaqstandyq-ýkraınalyq jup taǵy bir tartysty match ótkizdi. Bul joly olar bolgarııalyqtar Rosıtsa Dencheva - Ioana Konstantınovaǵa tap keldi.
Birinshi partııada taı-breıkte Qulambaeva - Strahova tabandylyq tanytty – 7:6 (7:4). Ekinshisinde jergilikti sportshylar ese qaıyrdy – 6:4. Sýper taı-breıkte Jibek pen Valerııa bet qaratpady – 10:2.
Báseke 1 saǵat 56 mınýtta aıaqtaldy.
Jibek Qulambaeva men Valerııa Strahova fınalǵa shyǵý úshin taǵy da bolgarııalyqtar Ralıtsa Aleksandrova - Valerııa Garnevskamen talasady.
Osylaısha, qazaqstandyq tennısshi bir kúnde eki oıynyn jeńispen túıindedi. Munyń aldynda ol jekeleı synda qarsylasyn qapy qaldyryp, shırek fınalǵa ótken edi.
Eske sala keteıik, budan buryn Jibek Qulambaevanyń Bolgarııadaǵy jarystyń shırek fınalyna ótkenin jazǵan edik.
Sondaı-aq Grıgorıı Lomakın Qytaıdaǵy jarystyń jartylaı fınalynda oınaıdy.
