Jibek Qulambaeva Úndistandaǵy jeńis serııasyn 6 matchqa jetkizdi
ASTANA. KAZINFORM – Qazaqstan ulttyq quramasynyń múshesi, álemniń 422-raketkasy Jibek Qulambaeva Aýrangabad (Úndistan) ITF W15 týrnırin sátti bastady.
Jarystyń 1-raketkasy bolyp tirkelgen qazaqstandyq tennısshi bastapqy kezdesýin úndistandyq Danıka Fernandomen ótkizdi.
Kezdesýdiń favorıti sanalǵan Jibek básekeni 1 saǵattan sál astam ýaqytta bitirip, qarsylasyn aıqyn basymdylyqpen jeńdi – 6:3, 6:0.
Jibek Qulambaeva shırek fınalǵa shyǵý úshin taǵy bir kort ıesi Saýmııa Rondemen talasady. Osylaısha, qazaqstandyq tennısshi ótken aptada ózi chempıon bolǵan Nagpýr dodasyn qosqanda, Úndistanda qatarynan 6 matchty jeńispen túıindedi.
Qazaqstandyq tennısshi reseılik Ekaterına ıAshınamen birge juptyq synda da birinshi raketka bolyp tirkelgen. Keshe qazaqstandyq-reseılik jup úndistandyqtar Aarýshı Mahendra Raval – Samıksha Shrofpen básekede qınalǵan joq – 6:2, 6:1. Sóıtip shırek fınalǵa joldama aldy.
J.Qulambaeva – E.ıAshına shırek fınalda úndistandyqtar Srımanıa Reddı Anýgonda – Danıka Fernando nemese nıderlandylyq Melıssa Boıden – malaızııalyq Elza Van juptarynyń qaı jeńgenimen sheberlik talastyrady.
Eske sala keteıik, budan buryn Aleksandr Shevchenkonyń Býharest týrnıriniń ekinshi aınalymyna shyqqanyn jazǵan edik.
