Jibek Qulambaeva Úndistandaǵy jarystyń jartylaı fınalyna ótti

ASTANA. KAZINFORM – Qazaqstan ulttyq quramasynyń múshesi, álemniń 419-raketkasy Jibek Qulambaeva Nagpýr (Úndistan) ITF W15 týrnıriniń jartylaı fınalyna shyqty.

Jarystyń 2-raketkasy bolyp tirkelgen qazaqstandyq tennısshi shırek fınalda reıtıngide 666-oryndaǵy reseılik Ekaterına ıAshınamen kezdesti.

Birinshi partııada 6:3 esebi tirkeldi. Jibek ekinshi setti de óz esebine jazdy – 6:4.
Báseke saǵat jarymǵa jýyq ýaqytqa sozyldy.

Jibek Qulambaeva fınalǵa shyǵý úshin álemniń 573-inshi, dodanyń 3-raketkasy, kort ıesi Zıl Desaımen talasady.

Qazaqstandyq tennısshi juptyq synda E.ıAshınamen birge jartylaı fınaldyq kezdesýin de ótkizedi.

Taǵy bir qazaqstandyq, reıtıngide 933-satydaǵy Grıgorıı Lomakın Ahmedabad (Úndistan) ITF M15 týrnıriniń shırek fınalynda álemniń 468-inshi, osy dodanyń 1-raketkasy, ıtalııalyq Aleksandr Bındaǵa jol berdi – 6:7, 3:6. 

Eske sala keteıik, budan buryn qazaqstandyq tennısshilerdiń Úndistandaǵy jarystarda sátti óner kórsetip jatqanyn jazǵan edik.

Elena Rybakına Maıamı týrnıriniń fınalynan tys qaldy.