Jibek Qulambaeva Úndistandaǵy jarystyń fınalynan tys qaldy

ASTANA. KAZINFORM - Qazaqstandyq tennısshi, álemniń 337-raketkasy Jibek Qulambaeva Solapýr (Úndistan) ITF W35 týrnıriniń fınalyna shyǵa almady.

Qazaqstandyq tennısshi jartylaı fınalda dúnıejúzilik reıtıngide 924-orynda turǵan taılandtyq Býnıavı Tamchaıvatpen sheberlik baıqasyp, qarsylasyna ese jiberdi. 

Birinshi partııada Taıland ókili aıqyn basymdylyq tanytty. Esep - 6:1. Ekinshisinde Jibek 4:0 esebimen alǵa shyqqan. Biraq sol basymdylyqty ustap tura almaı, qatarynan alty geımdi qarsylasyna berdi - 4:6.

Match saǵat jarymǵa jýyq ýaqytqa sozyldy.

Eske sala keteıik, budan buryn qazaqstandyq qos jasóspirim tennısshiniń Aýstralııa chempıonatynda baq synaıtynyn jazǵan bolatynbyz.