Jibek Qulambaeva Úndistandaǵy jarysty jeńispen bastady
ASTANA. KAZINFORM — Qazaqstandyq tennısshi, álemniń 469-raketkasy Jibek Qulambaeva jekeleı synda Chennaı (Úndistan) WTA 250 týrnıri irikteý saıysynyń fınalyna shyqty.
Jibek irikteý saıysynyń jartylaı fınalynda álemniń 353-raketkasy, ýkraınalyq, 19 jastaǵy Elızaveta Kotlıardy synap kórdi.
Birinshi partııada Qulambaeva 6:2 esebimen basymdylyq tanytty. Ol ekinshi sette de sol qarqynynan jańyla qoıǵan joq — 6:3.
Saǵat jarymǵa jýyq ýaqytqa sozylǵan básekede Jibek eıs jasamaǵanymen, 13 breık-poınttyń jeteýinde múlt ketken joq. Kotlıar 1 eıs, 3 breıkpen (4 breık-poınt) erekshelendi.
Jibek Qulambaeva irikteýdiń fınalynda álemniń 257-raketkasy, japonııalyq Meı ıAmagýtımen sheberlik baıqasady. Ony jeńse, 2-8 qarasha aralyǵynda ótetin negizgi jarysqa joldama alady.
Jibek Qulambaeva Chennaı dodasynda juptyq synda da óner kórsetedi.
Jibek juptyq synda osy aptada Qytaıdaǵy Gýanchjoý WTA 250 týrnıriniń jartylaı fınalyna deıin jetken edi.
Eske sala keteıik, budan buryn Elena Rybakınanyń jaraqatyna baılanysty Tokıo týrnıriniń jartylaı fınalynan tys qalǵanyn jazǵan edik.
Sondaı-aq Jibek Qulambaeva Qytaıdaǵy jarystyń fınalyna bir qadam jetpeı toqtady.
