Jibek Qulambaeva Úndistandaǵy jarysta kezekti qarsylasyn oısyrata utty
ASTANA. KAZINFORM – Qazaqstandyq tennısshi, álemniń 422-raketkasy Jibek Qulambaeva jekeleı synda Aýrangabad ITF W15 týrnıriniń jartylaı fınalyna joldama aldy.
Jarystyń 1-raketkasy bolyp tirkelgen qazaqstandyq tennısshi shırek fınalda reıtıngide 1 428-oryndaǵy úndistandyq, 20 jastaǵy Madýrıma Savantty synap kórdi.
Nebári 55 mınýtqa sozylǵan básekede Jibek qarsylasyn tas-talqan etip utty – 6:1, 6:0.
Jibek Qulambaeva fınalǵa shyǵý úshin bosnııalyq Tea Kovachevıchpen talasady. Ol shırek fınalda danııalyq Elena Djamshıdıden aılasyn asyrdy – 6:1, 6:1.
Osylaısha, Qazaqstan ulttyq quramasynyń múshesi J.Qulambaeva ótken aptadaǵy Nagpýr dodasyn qosqanda, jeńis serııasyn 8 matchqa jetkizdi.
Eske sala keteıik, budan buryn Jibek Qulambaevanyń Úndistandaǵy týrnırde juptyq synda jartylaı fınalǵa shyqqanyn jazǵan bolatynbyz.
Sondaı-aq ıÝlııa Pýtıntseva juptyq synda Charlston týrnıriniń fınalyna shyǵý úshin talasady.
