Jibek Qulambaeva Úndistandaǵy týrnırde japonııalyq tennısshini ekinshi ret jeńdi
ASTANA. KAZINFORM — Qazaqstandyq tennısshi, álemniń 473-raketkasy Jibek Qulambaeva jekeleı synda Chennaı (Úndistan) WTA 250 týrnıriniń ekinshi aınalymyna joldama aldy.
Jibek alǵashqy aınalymda álemniń 282-raketkasy, japonııalyq Meı ıAmagýtımen sheberlik baıqasty.
Bul qos tennısshiniń qatarynan ózara ekinshi kezdesýi edi. Munyń aldynda irikteý saıysynyń fınalynda Jibek tartysty básekede japonııalyq sportshyny 3:6, 6:3, 7:6 (7:4) esebimen utqan edi.
Jerebege sáıkes J.Qulambaeva men M.ıAmagýtıdiń negizgi jarysta joldary qaıta toqaılasty.
Bul joly Jibek birinshi partııada 6:4 esebimen basymdyq tanytty.
Ekinshi sette de qazaqstandyq sportshynyń mereıi ústem boldy – 7:5.
Eki saǵatqa sozylǵan matchta Qulambaeva eıs jasamaǵanymen, 10 breık-poınttyń jeteýin óz esebine jazdy. ıAmagýtı 5 breıkpen (13 breık-poınt) kózge tústi.
Osylaısha, Chennaı dodasynda M.ıAmagýtıdi eki ret qapy qaldyrǵan Jibek Qulambaeva shırek fınalǵa shyǵý úshin álemniń 160-raketkasy, taǵy bir japonııalyq Maı Hontamamen talasady.
Eske sala keteıik, budan buryn Jibek Qulambaevanyń Úndistandaǵy týrnırde qarsylasyn kambekpen jeńgenin jazǵan edik.
Sondaı-aq jas tennısshiler Aqtóbede halyqaralyq týrnırde úsh chempıondyq ataqty jeńip aldy.
