Jibek Qulambaeva Úndistandaǵy taǵy bir týrnırde top jardy

ASTANA. KAZINFORM – Qazaqstandyq tennısshi, álemniń 422-raketkasy Jibek Qulambaeva juptyq synda Aýrangabad (Úndistan) ITF W15 týrnıriniń chempıony atandy. 

Týrnırdiń 1-raketkalary Jibek Qulambaeva men reseılik Ekaterına ıAshına fınalda germanııalyq Anastasııa Kýparev — ózbekstandyq Sevıl ıÝldashevamen bas júldeni sarapqa saldy.

Qazaqstandyq-reseılik jup 6:1, 6:4 esebimen jeńiske jetip, chempıondyq ataqqa ıe boldy. 
J.Qulambaeva jekeleı synda jartylaı fınalda bosnııalyq Tea Kovachevıchpen kortta kezdesti. Asa tartysty ótken matchta T.Kovachevıch 7:5, 6:7 (3:7), 7:6 (7:4) esebimen basymdyq tanytyp, fınalǵa joldama aldy. 

Ótken aptada Jibek Nagpýrdaǵy osyndaı jarysta jekeleı jáne juptyq synda úzdik shyqqan edi. 

Qazaqstannyń ekinshi, álemniń 72-raketkasy ıÝlııa Pýtıntseva juptyq synda ıtalııalyq Elızabetta Kocharettomen birge Charlston (AQSh) WTA 500 jarysynyń jartylaı fınalynda amerıkalyqtar Dezıre Kravchık – Ketı Maknallımen oınaýy kerek edi. Alaıda Pýtıntseva – Kocharetto matchqa qatysýdan bas tartty.

Taǵy bir qazaqstandyq, reıtıngide 353-oryndaǵy Beıbit Juqaev San-Lýıs Potosı (Meksıka) chellendjer týrnıriniń jartylaı fınalyna óte almady. Ol shırek fınalda álemniń 95-inshi, osy dodanyń 1-raketkasy, aýstralııalyq Djeıms Dakvortqa jol berdi – 2:6, 3:6. 

Eske sala keteıik, budan buryn Jibek Qulambaevanyń Úndistandaǵy jarysta kezekti qarsylasyn oısyrata jeńgenin jazǵan bolatynbyz. 

Sondaı-aq Jibek Qulambaeva juptyq synda qatarynan ekinshi ret Úndistandaǵy týrnırdiń fınalyna shyqty.