Jibek Qulambaeva Túrkııadaǵy týrnırdiń jartylaı fınalyna shyqty
ASTANA. KAZINFORM — Qazaqstandyq tennısshi Jibek Qulambaeva Túrkııanyń Antalıa qalasynda ótip jatqan WTA 125 sanatyndaǵy týrnırdiń jartylaı fınalyna joldama aldy.
Qazaqstandyq sportshy juptyq synda Úndistan ókili Rýtýdja Bhosalemen birge óner kórsetip jatyr.
Shırek fınalda Qulambaeva men Bhosale ıspanııalyq Irene Býrılo Eskorıhýela jáne Leıre Romeromen kezdesip, eki sette de basym túsip, 6:0, 6:4 esebimen jeńiske jetti.
Match 1 saǵat 18 mınýtqa sozyldy.
Buǵan deıin Qulambaeva men Bhosale Polsha ókili Gına Faıstel men Kıpr atynan óner kórsetetin Ralýka Serbandy 6:2, 6:2 esebimen utqan edi.
Eske salaıyq, buǵan deıin Elena Rybakına álemniń birinshi raketkasy atanǵanyn jazǵanbyz. Ol tennısten AQSh-ta ótip jatqan US Open týrnıriniń shırek fınalynda Parıj Olımpıadasynyń chempıony Jen Tsınvendi (Qytaı) 3:6, 6:1, 6:4 esebimen jeńdi.
Memleket basshysy tennısshi Elena Rybakınany «Álemniń birinshi raketkasy» ataǵyna ıe bolýymen quttyqtady.
