Jibek Qulambaeva Slovakııadaǵy jarystyń shırek fınalyna shyqty

ASTANA. KAZINFORM – Qazaqstandyq Jibek Qulambaeva juptyq synda Trnava (Slovakııa) ITF W75 týrnıriniń shırek fınalyna ótti. 

Jarystyń 3-raketkalary bolyp tirkelgen J.Qulambaeva men grekııalyq Sapfo Sakellarıdı bastapqy kezdesýin kort ıeleri Laýra Tsılekova – Laýra Svetıkovamen ótkizdi. Bir saǵatqa sozylǵan matchta qazaqstandyq-grekııalyq jup 6:1, 6:4 esebimen jeńiske jetti. 

Qulambaeva – Sakellarıdıdiń shırek fınaldaǵy qarsylastary keıin belgili bolady. 

Taǵy bir qazaqstandyq, dúnıejúzilik reıtıngide 805-orynda turǵan Grıgorıı Lomakın Tbılısı (Grýzııa) ITF jarysynyń alǵashqy aınalymynda sensatsııa jasap, álemniń 615-raketkasy, reseılik Egor Agafonovty jeńip ketti – 7:6 (8:6), 7:6 (7:0). 

G.Lomakın shırek fınalǵa shyǵý úshin reıtıngide 793-satydaǵy belorýssııalyq Erık Arýtıýnıanmen talasady.

Eske sala keteıik, budan buryn Mıhaıl Kýkýshkınniń Rım masters týrnıriniń irikteý saıysyn sátti bastaǵanyn jazǵan bolatynbyz.

Rım týrnırinde Rybakına bastaǵan qazaqstandyq tennısshilerdiń qarsylastary anyqtaldy.