Jibek Qulambaeva Serbııadaǵy jarysta chempıondyq ataq úshin talasty

ASTANA. KAZINFORM - Qazaqstandyq tennısshi, álemniń 337-raketkasy Jibek Qulambaeva Kýrshýmlııa-Banıa (Serbııa) ITF W75 týrnırinde bir kúnde eki match ótkizdi.

Qazaqstandyq tennısshi senbi kúni aldymen jekeleı synda jartylaı fınalda álemniń 242-raketkasy, reseılik Alına Charaevamen sheberlik baıqasty.

Birinshi partııada Jibek 6:4 esebimen basym túskenimen, sol qarqynyn jalǵastyra almady – 4:6, 1:6.

Tartysty match 2 saǵat 24 mınýtqa sozyldy.

Fınalǵa shyǵa almaǵanyna qaramastan, J.Qulambaeva WTA Live reıtıngisinde 309-orynǵa kóterilip, TOP-300-ge jaqyndap tur.

Qazaqstandyq tennısshi sonymen qatar juptyq synda ulybrıtanııalyq Freıa Krıstımen birge fınalda oınady. Qazaqstandyq-ulybrıtanııalyq jup sońǵy básekede túrkııalyq Aıla Aqsý – chehııalyq Anna Shıshkovaǵa jol berdi – 4:6, 2:6. Sóıtip chempıon atana almady. 

Eske sala keteıik, budan buryn Jibek Qulambaevanyń Serbııadaǵy jarystyń jartylaı fınalyna shyqqanyn jazǵan bolatynbyz.

Sondaı-aq Rybakına Strasbýrgte bıylǵy alǵashqy tıtýlyna qol jetkizdi.