Jibek Qulambaeva Serbııadaǵy týrnırde qarsylasyn kambekpen utty
ASTANA. KAZINFORM — Qazaqstandyq tennısshi, álemniń 476-raketkasy Jibek Qulambaeva Kýrshýmlııa-Banıa (Serbııa) ITF W75 týrnıriniń ekinshi aınalymyna shyqty.
Qazaqstandyq tennısshi alǵashqy aınalymda álemniń 302-raketkasy, qytaılyq Zongıý Lımen sheberlik baıqasty.
Bastapqy partııada qytaılyq tennısshi 6:4 esebimen basym tústi. Budan keıin Jibek oıyn tizginin qolyna alyp, kambek jasaı bildi — 6:3, 6:0.
Tartysty báseke 3 saǵatqa jýyq ýaqytqa sozyldy.
Jibek Qulambaeva shırek fınalǵa shyǵý úshin álemniń 215-inshi, osy jarystyń 3-raketkasy, serbııalyq Mıa Rıstıchpen talasady.
Qazaqstan quramasynyń múshesi J.Qulambaeva juptyq synda da dodany sátti bastady. Jibek rýmynııalyq Irına Baremen birge bastapqy kezdesýinde serbııalyqtar Natalııa Senıch — Anıa Stankovıchti qapy qaldyrdy — 7:6 (8:6), 6:7 (4:7), 10:6. Sóıtip qazaqstandyq-rýmynııalyq jup shırek fınalǵa joldama aldy.
Eske sala keteıik, budan buryn Toronto týrnırinde Elena Rybakınanyń «Úlken dýlyǵa» týrnıriniń tórt dúrkin chempıonyn jeńgenin jazǵan edik.
Sondaı-aq tennısshi Sonıa Jıenbaeva jeńis serııasyn alty matchqa jetkizdi.
