Jibek Qulambaeva Rýmynııadaǵy týrnırdiń irikteý saıysyn jeńispen bastady
ASTANA. KAZINFORM — Qazaqstandyq tennısshi, álemniń 457-raketkasy Jibek Qulambaeva ıAssy (Rýmynııa) WTA 250 týrnıri irikteý saıysynyń fınalyna shyqty.
Qazaqstandyq tennısshi irikteý saıysynyń jartylaı fınalynda álemniń 295-raketkasy, shvetsııalyq Lıza Zaarǵa tap keldi.
Qarsylasynyń favorıt bolǵanyna qaramastan, Jibek qos partııada tarazy basyn ózine aýdara bildi – 7:6 (7:4), 6:3.
Eki saǵat 4 mınýtqa sozylǵan tartysty básekede J.Qulambaeva eıs jasamaǵanymen, 6 breık-poınttyń beseýin óz esebine jazdy. Zaar 4 breıkten (10 breık-poınt) asa almady.
Jibek Qulambaeva irikteý saıysynyń fınalynda álemniń 143-raketkasy, ıspanııalyq Leıre Romero-Gormazben sheberlik baıqasady. Ony jeńse, negizgi jarysqa ótedi.
Atalmysh dodada Qazaqstannyń ekinshi, álemniń 84-raketkasy ıÝlııa Pýtıntseva baq synaıdy. Ol 13 shilde kúni alǵashqy aınalymda reıtıngide 702-satydaǵy frantsııalyq Klara Bıýrelmen oınaıdy.
Taǵy bir qazaqstandyq, álemniń 664-raketkasy Arýjan Saǵyndyqova Astana ITF W15 týrnıriniń fınalynda reıtıngide 488-oryndaǵy reseılik Ekaterına Maklakovadan jeńilip qaldy – 0:6, 1:6.
Eske sala keteıik, budan buryn Tımofeı Skatovtyń Shveıtsarııadaǵy týrnırde qarsylasyn bir saǵatta tize búktirgenin jazǵan edik.
