Jibek Qulambaeva Rýmynııadaǵy týrnırde tıtýlǵa bir qadam jetpeı toqtady
ASTANA. KAZINFORM — Qazaqstandyq tennısshi Jibek Qulambaeva juptyq synda ıAssy (Rýmynııa) WTA 250 týrnıriniń fınalynda óner kórsetti.
Qazaqstandyq tennısshi armenııalyq Alına Charaevamen birge fınalda jarystyń 3-raketkalary, reseılik Irına Hromacheva – chehııalyq Anna Detıýkpen chempıondyq ataqty sarapqa saldy.
Qazaqstandyq-armenııalyq jup matchty sátti bastady – 6:4.
Ekinshi sette Hromacheva – Detıýk ese qaıyrdy – 6:2.
Sýper taı-breıkte reseılik-chehııalyq dýet kúsh alyp ketti – 10:5.
Saǵat jarymǵa sozylǵan básekede Qulambaeva – Charaeva eıs jasamaǵanymen, 5 breık-poınttyń ekeýin paıdalandy. Qarsylastary 1 eıs, 3 breıkpen (7 breık-poınt) kózge tústi.
Osylaısha, Jibek Qulambaeva sporttyq jolynda alǵash ret WTA týrnıriniń fınalyna deıin jetti.
Qazirgi kezde qazaqstandyq tennısshi juptyq synda WTA Live reıtıngisinde 136-orynǵa kóterilip tur.
Eske sala keteıik, budan buryn Rýmynııadaǵy ıAssy týrnırinde jarystyń 1-raketkasyn jeńgen Jibek Qulambaevanyń fınalǵa shyqqanyn jazǵan edik.
Sondaı-aq Shevchenko Shveıtsarııadaǵy týrnırde Býblıktiń ketken esesin qaıtardy.
Qazaqstandyq tennısshiler ekinshi ret qatarynan Astana týrnıriniń fınalyna deıin jetti.
