Jibek Qulambaeva Polshadaǵy týrnırdiń jeńimpazy atandy

ASTANA. KAZINFORM — Qazaqstandyq tennısshi Jibek Qulambaeva juptyq synda Bytom (Polsha) ITF W50 týrnıriniń jeńimpazy atandy.

Jarystyń 1-raketkalary bolyp tirkelgen qazaqstandyq tennısshi ıtalııalyq Nıkol Fossa Ýergamen birge barlyǵy tórt kezdesýdi sátti aıaqtady. Qazaqstandyq-ıtalııalyq dýet fınalda dodanyń 2-raketkalary, ýkraınalyqtar Marına Kolb – Nadıa Kolbpen bas júldeni sarapqa saldy.

Jibek Qulambaeva – Nıkol Fossa Ýerga 7:6 (8:6), 6:2 esebimen jeńiske jetti. Fınaldyq báseke saǵat jarymnan artyq ýaqytqa sozyldy. Qazaqstandyq tennısshi juptyq synda WTA reıtıngisinde 138-orynda tur.

Taǵy bir qazaqstandyq Sonıa Jıenbaeva jekeleı synda Óskemende ótip jatqan ITF W15 týrnıriniń fınalyna shyqty. Ol jartylaı fınalda reseılik Varvara Panshınanyń mysyn basty – 7:5, 6:2.

S.Jıenbaeva sońǵy matchta reseılik Alısa Kıýmmelmen chempıondyq ataq úshin talasady.

Eske sala keteıik, budan buryn Sofııa Isakovanyń Rolan Garrosqa Almatyda ótken irikteý týrnırinde top jarǵanyn jazǵan bolatynbyz.