Jibek Qulambaeva Nıderlandtaǵy týrnırdiń kelesi aınalymyna ótti
ASTANA. KAZINFORM — Qazaqstan quramasynyń múshesi, álemniń 457-raketkasy Jibek Qulambaeva jekeleı synda Amstelven (Nıderland) ITF W35 týrnıriniń 1/8 fınalyna shyqty.
Dodada 11-raketka bolyp tirkelip, jarysty ekinshi aınalymnan bastaǵan qazaqstandyq tennısshi reıtıngide 685-oryndaǵy belgııalyq Tılvıt Dı Gırolamıdiń mysyn basty.
Match 6:4, 6:2 esebimen Jibektiń paıdasyna sheshildi.
Bir saǵat 39 mınýtqa sozylǵan básekede J.Qulambaeva 4 breık jasaı aldy.
Jibek Qulambaeva shırek fınalǵa shyǵý úshin álemniń 365-raketkasy, ıspanııalyq Marııa Teıshıdo Garsııa nemese reıtıngide 711-oryndaǵy Belarýs ókili Polına Kýharenkonyń qaı jeńgenimen talasady.
Qazaqstandyq tennısshi belgııalyq Polına Bahmýtkınamen birge búgin juptyq kezdesýin de ótkizedi.
Eske sala keteıik, budan buryn Elena Rybakınanyń Ýımbldon týrnıriniń ekinshi aınalymyna shyqqanyn jazǵan edik.
Ýımbldon týrnırinde Aleksandr Býblık alǵashqy qarsylasyn kambekpen jeńdi.
Jibek Qulambaeva Nıderlandtaǵy týrnırde aıqyn jeńiske qol jetkizdi.
