Jibek Qulambaeva men Ámir Omarhanov Qazaqstan chempıonatynda top jardy
ASTANA. KAZINFORM — Elordada tennısten eresekter arasynda Qazaqstan chempıonatynyń jeńimpaz-júldegerleri anyqtaldy.
Áıelder arasynda osy jarystyń 1-raketkasy Jibek Qulambaeva qarsylas shaq keltirmedi.
Jibek fınalda chempıonattyń úshinshi raketkasy bolyp tirkelgen Arýjan Saǵyndyqovany tartysty matchta 6:4, 7:6 (7:5) esebimen utty.
Osylaısha, J.Qulambaeva elimizde myqty tennısshilerdiń biri ekendigin taǵy bir dáleldedi.
Polına Sleptsovany 7:6 (7:5), 7:5 esebimen jeńgen Іńkár Dúısebaı qola júldege ıe boldy.
Erler arasynda qaraǵandylyq, 17 jastaǵy Ámir Omarhanov pen Temirtaý tennıs mektebiniń túlegi, ótken jylǵy jeńimpaz Grıgorıı Lomakın chempıondyq ataqty sarapqa saldy. Birinshi partııada Ámir 6:1 esebimen aıqyn basymdylyq kórsetti. Ekinshi sette Lomakın arqasynyń jaraqatyna baılanysty oıyndy jalǵastyra almady.
Osylaısha, Á.Omarhanov eresekter arasynda alǵash ret Qazaqstan chempıony atandy.
Qola júlde Islam Orynbasardyń úlesine tıdi. Onyń qarsylasy Tımýr Máýlenov jaraqatyna baılanysty kortqa shyǵa almady.
Eske sala keteıik, budan buryn Elena Rybakınanyń Vashıngton týrnıriniń jartylaı fınalyna joldama alǵanyn jazǵan edik.