Jibek Qulambaeva Majarstandaǵy týrnırde jarystyń 4-raketkasyn utty

ASTANA. KAZINFORM – Qazaqstandyq tennısshi, álemniń 322-raketkasy Jibek Qulambaeva Sekeshfehervar (Majarstan) ITF W75 týrnırin jeńispen bastady.

Qazaqstandyq tennısshi alǵashqy aınalymda álemniń 143-inshi, osy jarystyń 4-raketkasy, kort ıesi Panna Ýdvardıdyń mysyn basty.

Birinshi partııa Jibektiń aıqyn basymdylyǵymen aıaqtaldy – 6:1. Ol ekinshi sette de múmkindigin jibergen joq – 7:5.

Tartysty ótken match bir saǵat 45 mınýtqa sozyldy.

Jibek Qulambaeva shırek fınalǵa shyǵý úshin reıtıngide 335-satydaǵy túrkııalyq Chala Bıýııýkakchaımen talasady.

J.Qulambaeva qazirgi kezde WTA Live reıtıngisinde 318-orynǵa kóterilip tur.

Qazaqstandyq sportshy horvatııalyq Tara Vıýrtpen birge juptyq synda da óner kórsetedi. 

Eske sala keteıik, budan buryn Indıan-Ýells týrnırinde 17 jastaǵy tennısshiniń ekinshi ret Rybakınanyń jolyn keskenin jazǵan bolatynbyz.