Jibek Qulambaeva Madrıdtegi jarystyń jartylaı fınalyna joldama aldy

ASTANA. KAZINFORM — Qazaqstandyq tennısshi Jibek Qulambaeva juptyq synda Madrıd (Ispanııa) ITF W100 týrnıriniń jartylaı fınalyna ótti.

Jarystyń 3-raketkalary bolyp tirkelgen J.Qulambaeva — ıtalııalyq Nıkol Fossa-Ýergo aldymen rýmynııalyq Andreıa Prıshakarıý — horvatııalyq Tena Lýkasty 6:1, 6:4 esebimen joldan taıdyrdy.

Qazaqstandyq-ıtalııalyq dýet shırek fınalda grekııalyq Elenı Hrıstofı — amerıkalyq Elızabet Mandlıktiń meselin qaıyrdy — 6:3, 7:5. Bul báseke bir jarym saǵatqa jýyq ýaqytqa sozyldy.

Qulambaeva — Fossa-Ýergonyń jartylaı fınaldaǵy qarsylastary keıin anyqtalady.

Qazaqstannyń erler arasyndaǵy ekinshi, álemniń 104-raketkasy Aleksandr Shevchenko Mıýnhen (Germanııa) ATP 500 týrnıriniń shırek fınalyna shyǵa almady. Ol álemniń 22-raketkasy, argentınalyq Fransısko Serýndoloǵa ese jiberdi — 3:6, 2:6.

Eske sala keteıik, budan buryn Elena Rybakınanyń komandasyna jańa bapker qosylǵanyn jazǵan bolatynbyz.