Jibek Qulambaeva Kolýmbııadaǵy týrnırdiń chempıony atandy
ASTANA. KAZINFORM — Qazaqstan ulttyq quramasynyń múshesi Jibek Qulambaeva juptyq synda Sopo (Kolýmbııa) WTA 125 týrnırinde top jardy.
Qazaqstandyq tennısshi slovenııalyq Veronıka Erıavetspen birge fınalda chehııalyq Lora Samson — taǵy bir slovenııalyq Tamara Zıdanshekpen bas júldeni sarapua saldy.
Birinshi partııada chehııalyq-slovenııalyq jup 7:5 esebimen basymdylyq tanytty.
Ekinshisinde Jibek pen Veronıka qarymta qaıyrdy — 6:2.
Sýper taı-breıkte Samson men Zıdanshek qos birdeı matchbolynda múlt ketti. Al Qulambaeva men Erıavets tórtinshi matchboldy paıdalana bildi — 14:12.
Bir saǵat 40 mınýtqa sozylǵan básekede qazaqstandyq-slovenııalyq dýet 1 eıspen birge 8 breık-poınttyń teń jartysyn óz esepterine jazdy. Samson — Zıdanshek 3 breıkpen (8 breık-poınt) shekteldi.
Osylaısha, 26 jastaǵy Jibek Qulambaeva sporttyq jolynda juptyq synda WTA 125 dodalaryndaǵy úshinshi, bıylǵy ekinshi tıtýlyna qol jetkizdi.
Qazirgi kezde qazaqstandyq tennısshi juptyq synda WTA Live reıtıngisinde 1 010 upaımen 86-orynǵa kóterilip tur.
Eske sala keteıik, budan buryn Jibek Qulambaevanyń Kolýmbııadaǵy jarystyń fınalyna shyqqanyn jazǵan edik.
Sondaı-aq WTA qorytyndy týrnırinde jartylaı fınalǵa shyqqan tennısshiler anyqtaldy.
