Jibek Qulambaeva Qytaıdaǵy jarystyń jeńimpazy atandy
ASTANA. KAZINFORM — Qazaqstandyq tennısshi Jibek Qulambaeva juptyq synda Baotoý (Qytaı) ITF W50 týrnırinde úzdik shyqty.
Jarystyń 2-raketkalary J.Qulambaeva – reseılik Ekaterına Reıngold fınalda ıtalııalyq Dıletta Cherýbını – qytaılyq Chengı ıÝanmen chempıondyq ataqty sarapqa saldy.
Qos set te 6:1 esebimen qazaqstandyq-reseılik juptyń paıdasyna sheshildi.
Match nebári 51 mınýtta aıaqtaldy.
Osylaısha, Jibek Qulambaeva men Ekaterına Reıngold chempıondyq tuǵyrǵa kóterildi.
Munyń aldynda J.Qulambaeva Astanada Bıllı Djın Kıng kýbogy aıasynda Kanadamen ótken matchta Qazaqstan quramasy sapynda sátti óner kórsetken edi.
Eske sala keteıik, budan buryn Tımofeı Skatovtyń Shymkenttegi týrnırde bas júlde úshin synǵa túsetinin jazǵan bolatynbyz.
Sondaı-aq Elena Rybakına Madrıd týrnırin kambekpen bastady.
