Jibek Qulambaeva Qytaıdaǵy jarystyń fınalyna bir qadam jetpeı toqtady
ASTANA. KAZINFORM — Tennısten Qazaqstan ulttyq quramasynyń múshesi Jibek Qulambaeva juptyq synda Gýanchjoý (Qytaı) WTA 250 týrnıriniń fınalyna shyǵa almady.
Qazaqstandyq tennısshi nıderlandylyq Izabel Hoverlagpen birge jartylaı fınalda Qytaılyq Taıbeı ókilderi I-Hsýan Cho — Iı Tsen Choǵa tap boldy.
Birinshi partııada taıbeılik jup 6:3 esebimen basym tústi. Olar ekinshi sette de esh múmkindik qaldyrmady — 6:1.
Bir saǵattan sál astam ýaqytqa sozylǵan básekede Jibek pen Izabel 1 eıspen shekteldi. Taıbeılik dýet 6 breık-poınttyń tórteýin paıdalana bildi.
Degenmen J.Qulambaeva men I.Hoverlag úshin bul doda tabysty boldy deýge negiz bar. Olar shırek fınalda jarystyń 1-raketkalary, reseılik Marııa Kozyreva — ulybrıtanııalyq Maııa Lýmsdendi joldan taıdyrdy.
Jibek Qulambaeva jartylaı fınalǵa deıin jetýiniń nátıjesinde juptyq synda álemdik reıtıngide sporttyq jolynda alǵash ret TOP-100-ge kirip, qazirgi kezde 96-orynǵa kóterilip tur.
Eske sala keteıik, budan buryn Tokıo týrnırinde Pýtıntsevany jeńgen Rybakınanyń shırek fınalǵa shyqqanyn jazǵan edik.
Sondaı-aq Elena Rybakına jyldy álemniń birinshi raketkasy retinde aıaqtaıtyny ózi úshin úlken qýanysh ekendigin aıtty.
Elena Rybakına jaraqatyna baılanysty Tokıo týrnıriniń jartylaı fınalynan tys qaldy.
