Jibek Qulambaeva Qytaıdaǵy jarysta ekinshi jeńisine qol jetkizdi
ASTANA. KAZINFORM — Qazaqstandyq tennısshi, álemniń 395-raketkasy Jibek Qulambaeva Hýchjoý (Qytaı) chellendjer týrnıriniń irikteý saıysyn jeńispen túıindedi.
Qazaqstan ulttyq quramasynyń múshesi irikteý saıysynyń fınalynda álemniń 484-raketkasy, qytaılyq Meıkı Gomen betpe-bet keldi.
Birinshi partııada Jibek aıqyn basymdylyq kórsetti — 6:1.
Ekinshi sette qytaılyq tennısshi 5:3 esebimen alǵa shyqqanymen, Qulambaeva tarazy basyn teńestire bildi. Sodan keıin taı-breıkte esesin jibermedi — 7:6 (8:6).
Eki saǵatqa sozylǵan tartysty básekede Jibek Qulambaeva eıs jasamaǵanymen, 14 breık-poınttyń altaýyn paıdalandy. Go 3 eıs, 3 breıkpen (4 breık-poınt) erekshelendi.
Osylaısha, qatarynan eki jeńiske qol jetkizgen Jibek Qulambaeva negizgi jarysqa joldama aldy.
Eske sala keteıik, budan buryn Jibek Qulambaevanyń Qytaıdaǵy chellendjer jarysyn jeńispen bastaǵanyn jazǵan bolatynbyz.
Elena Rybakına Madrıd týrnıriniń tórtinshi aınalymyna joldama aldy.
