Jibek Qulambaeva Qytaıdaǵy týrnırdiń shırek fınalyna ótti
ASTANA. KAZINFORM — Qazaqstandyq tennısshi Jibek Qulambaeva juptyq synda Chıanchjoý (Qytaı) WTA týrnırin jeńispen bastady.
Qazaqstandyq tennısshi nıderlandylyq Izabel Hoverlagpen birge alǵashqy aınalymda qytaılyqtar Tsıýı Ihan – Chjan Jýıenniń mysyn basty.
Birinshi partııada qazaqstandyq-nıderlandylyq jup 6:3 esebimen basymdyq tanytty. Ekinshi sette jergilikti tennısshiler ese qaıyrdy – 6:4.
Sýper taı-breıkte J.Qulambaeva – I.Hoverlag jeńisti julyp aldy – 10:5.
Bir saǵat 25 mınýtqa sozylǵan báseke barysynda Jibek pen Izabel eıs jasamaǵanymen, 10 breık-poınttyń tórteýin paıdalandy.
Qytaılyq dýet 4 eıs, 3 breıkpen (6 breık-poınt) kózge tústi.
Jibek Qulambaeva – Izabel Hoverlag jartylaı fınalǵa shyǵý úshin jarystyń 1-raketkalary, reseılik Marııa Kozyreva – ulybrıtanııalyq Maııa Lýmsdenmen talasady.
Eske sala keteıik, budan buryn Elena Rybakınanyń álemdik reıtıngide kóshbasshylyq ornyn nyǵaıta túskenin jazǵan edik.
Sondaı-aq Beıbit Juqaev Seýl týrnırinde negizgi jarysqa qosyldy.
