Jibek Qulambaeva Qytaıdaǵy chellendjer jarysyn jeńispen bastady
ASTANA. KAZINFORM — Qazaqstandyq tennısshi, álemniń 395-raketkasy Jibek Qulambaeva Hýchjoý (Qytaı) chellendjer týrnıriniń irikteý saıysynyń fınalyna shyqty.
Qazaqstandyq tennısshi irikteý saıysynyń jartylaı fınalynda reıtıngide 863-oryndaǵy qytaılyq Shı ıÝmen kezdesti. Eki set te 6:2 esebimen Jibektiń paıdasyna sheshildi.
Bir saǵat 18 mınýtqa sozylǵan básekede Qulambaeva 3 eıske qosa 8 breık-poınttyń beseýin paıdalandy. Qytaılyq tennısshi 1 breıkpen (4 breık-poınt) shekteldi.
Jibek Qulambaeva irikteý saıysynyń fınalynda álemniń 484-raketkasy, taǵy bir qytaılyq Meıkı Gomen sheberlik talastyrady. Ony jeńse, negizgi týrnırge joldama alady.
Eske sala keteıik, budan buryn 15 jastaǵy Ańsar Nıetqalıevtiń Qytaıdaǵy týrnırdiń fınalyna deıin jetkenin jazǵan bolatynbyz.
Sondaı-aq Jibek Qulambaeva Qytaıdaǵy jarystyń jeńimpazy atandy.
