Jibek Qulambaeva Ispanııadaǵy jarystyń jartylaı fınalyna joldama aldy

ASTANA. KAZINFORM — Qazaqstandyq tennısshi Jibek Qulambaeva juptyq synda Sabadele (Ispanııa) ITF W35 týrnıriniń jartylaı fınalyna shyqty.

Qazaqstandyq tennısshi reseılik Ekaterına Kazıonovamen jarystyń 2-raketkasy bolyp tirkelgen.

Qulambaeva — Kazıonova shırek fınalda argentınalyqtar Ornella De Fatsıo — Maýra Iovıchpen kezdesýi kerek edi. Alaıda argentınalyq dýet matchqa kelmeı qaldy da, qazaqstandyq-reseılik jup oınamastan jartylaı fınalǵa joldama aldy.

J.Qulambaeva — E.Kazıonovanyń jartylaı fınaldaǵy qarsylastary keıin anyqtalady.

J.Qulambaeva jekeleı synda alǵashqy aınalymda dodanyń 3-raketkasy, aýstralııalyq Astre Sharmege jol berdi — 5:7, 2:6.

Taǵy bir qazaqstandyq, reıtıngide 325-satydaǵy Zarına Dııas Antalııa (Túrkııa) chellendjer týrnırinde álemniń 131-raketkasy, Polsha ókili Maııa Hvalınskaǵa ese jiberdi — 3:6, 1:6.

Eske sala keteıik, budan buryn Dmıtrıı Popkonyń Meksıkadaǵy týrnırdiń ekinshi aınalymyna shyqqanyn jazǵan bolatynbyz.

Sondaı-aq Aleksandr Býblık Maıamı masters týrnırinde reıtıngisi joǵary tennısshini utty.