Jibek Qulambaeva Ispanııadaǵy týrnırdiń shırek fınalyna shyqty
ASTANA. KAZINFORM — Qazaqstan ulttyq quramasynyń múshesi Jibek Qulambaeva juptyq synda Maspalomas (Ispanııa, Gran-Kanarııa araly) ITF W100 týrnırin sátti bastady.
Jarystyń 2-raketkasy bolyp tirkelgen qazaqstandyq tennısshi chehııalyq Anna Shıshkovamen birge alǵashqy aınalymda germanııalyq Joel Stoır — fınlıandııalyq Laýra Hıetarantanyń mysyn basty — 6:4, 6:2.
Báseke 1 saǵat 22 mınýtta aıaqtaldy.
Jibek Qulambaeva — Anna Shıshkova jartylaı fınalǵa shyǵý úshin nıderlandylyq Demı Tran — frantsııalyq Naııı Berekoecheamen talasady.
Jekeleı synda álemdik reıtıngide 466-orynda turǵan J.Qulambaeva budan bir kún buryn álemniń 155-raketkasy, ıspanııalyq Andrea Lazaro Garsııamen tartysty kezdesý ótkizdi.
Eki saǵat 22 mınýtqa sozylǵan matchta qazaqstandyq tennısshi jergilikti sportshyǵa 3:6, 5:7 esebimen jol berdi.
Eske sala keteıik, budan buryn Jibek Qulambaevanyń álemdik reıtıngide juptyq synda 115-orynǵa kóterilgenin jazǵan edik.
