Jibek Qulambaeva Ispanııadaǵy týrnırdiń fınalyna shyqty
ASTANA. KAZINFORM — Qazaqstan ulttyq quramasynyń múshesi Jibek Qulambaeva juptyq synda Maspalomas (Ispanııa, Gran-Kanarııa araly) ITF W100 týrnıriniń fınalyna ótti.
Jarystyń 2-raketkasy bolyp tirkelgen qazaqstandyq tennısshi chehııalyq Anna Shıshkovamen birge jartylaı fınalda portýgalııalyqtar Frantsıska Jorje — Matılda Jorjemen betpe-bet keldi.
Tartysty ótken eki set te taı-breıkpen aıaqtalyp, qazaqstandyq-chehııalyq juptyń paıdasyna sheshildi — 7:6 (7:5), 7:6 (7:3).
Báseke 2 saǵat 8 mınýtqa sozyldy.
Jibek Qulambaeva — Anna Shıshkova fınalda dodanyń 3-raketkalary, shvetsııalyq Lıza Zaar — chehııalyq Domınıka Salkovamen chempıondyq ataq úshin talasady.
Osylaısha, J.Qulambaeva úsh apta boıy juptyq synda iri jarystarda sátti oınap keledi.
Taǵy bir qazaqstandyq Sonıa Jıenbaeva Dýblın (Irlandııa) ITF W50 týrnırinde nıderlandylyq Stefanı Vısshermen birge jartylaı fınalda ulybrıtanııalyqtar Ella Makdonald — Amelııa Raetskıden utylyp qaldy — 5:7, 3:6. Sóıtip qazaqstandyq-nıderlandylyq jup fınaldan tys qaldy.
Eske sala keteıik, budan buryn Jibek Qulambaevanyń Ispanııadaǵy jarystyń jartylaı fınalynda oınaıtynyn jazǵan edik.
