Jibek Qulambaeva Germanııadaǵy jarystyń jartylaı fınalyna ótti

ASTANA. KAZINFORM — Qazaqstandyq Jibek Qulambaeva juptyq synda Vesbaden (Germanııa) ITF W100 týrnırinde eki kezdesýin sátti ótkizdi.

J.Qulambaeva latvııalyq Darıa Semenıstaıamen birge aldymen ulybrıtanııalyqtar Djodı Berreıdj – Eden Sılvany joldan taıdyrdy – 7:6 (7:3), 6:7 (1:7), 10:8. 

Tartysty ótken match eki saǵatqa jýyq ýaqytqa sozyldy.

Qazaqstandyq-latvııalyq jup shırek fınalda jarystyń 1-raketkalary, norvegııalyq Ýlrıkke Eıkerı – japonııalyq Erı Hodzýmıdiń mysyn basty – 6:3, 1:6, 10:7. Bul báseke 1 saǵat 24 mınýtta bitti.

Jibek Qulambaeva – Darıa Semenıstaıanyń jartylaı fınaldaǵy qarsylastary keıin anyqtalady.

Qazaqstannyń juptyq syndaǵy birinshi raketkasy Anna Danılına reseılik Irına Hromachevamen birge Vık (Ispanııa) chellendjer týrnıriniń shırek fınalynda japonııalyq Sıýko Aoıama – amerıkalyq Sabrına Santamarııany 6:3, 6:4 esebimen utty. 

Alaıda qazaqstandyq-reseılik dýet jartylaı fınalda kanadalyq Bıanka Andreeský – ındonezııalyq Aldıla Sýtdjıadıge ese jiberdi – 6:7 (4:7), 6:4, 5:10. 

Taǵy bir qazaqstandyq, dúnıejúzilik reıtıngide 258-oryndaǵy Denıs Evseev Eshtorıl (Portýgalııa) chellendjer dodasynyń ekinshi aınalymynda álemniń 47-raketkasy, serbııalyq Mıomır Ketsmanovıchten jeńilip qaldy – 1:6, 6:3, 5:7.

Eske sala keteıik, budan buryn Denıs Evseevtiń Portýgalııadaǵy jarystyń ekinshi aınalymyna shyqqanyn jazǵan bolatynbyz.