Jibek Qulambaeva Bolgarııadaǵy jarysta úzdik shyqty
ASTANA. KAZINFORM – Qazaqstan ulttyq quramasynyń múshesi Jibek Qulambaeva juptyq synda Haskovo (Bolgarııa) ITF W50 týrnıriniń jeńimpazy atandy.
Ýkraınalyq Valerııa Strahovamen birge jarystyń birinshi raketkasy bolyp tirkelgen qazaqstandyq tennısshi fınalda grekııalyq Marta Matýla - amerıkalyq Hıba Shaıhpen chempıondyq ataq úshin kortqa shyqty.
Birinshi partııada Jibek pen Valerııa úsh breık jasap, qarsylastaryna birde-bir geım bermedi - 6:0.
Tartystylaý órbigen ekinshi set te qazaqstandyq-ýkraınalyq dýettiń paıdasyna sheshildi - 6:4.
Báseke bir saǵattan sál astam ýaqytqa sozyldy.
Eske sala keteıik, budan buryn Jibek Qulambaevanyń Bolgarııadaǵy jarystyń fınalyna joldama alǵanyn jazǵan edik.
Grıgorıı Lomakın Qytaıdaǵy týrnırde top jardy.
