Jibek Qulambaeva álemdik reıtıngide joǵary kóterildi
ASTANA. KAZINFORM — Áıelder tennısi qaýymdastyǵy (WTA) jekeleı jáne juptyq synda jańartylǵan reıtıngini jarııa etti.
Qazaqstannyń birinshi raketkasy Elena Rybakına jekeleı synda ekinshi, sondaı-aq ıÝlııa Pýtıntseva 85-ornyn saqtap qaldy.
Jibek Qulambaeva 479-dan 450-ge joǵarylady.
Juptyq synda Qazaqstannyń mańdaıaldy tennısshisi Anna Danılına burynǵysha 6-satyda tur.
Ótken aptada ýkraınalyq Valerııa Strahovamen birge Haskovo (Bolgarııa) ITF W50 týrnıriniń jeńimpazy atanǵan J.Qulambaeva juptyq synda da jaǵdaıyn edáýir jaqsartty. Jibek 194-ten birden 173-satyǵa kóterildi.
Eske sala keteıik, budan buryn Jibek Qulambaevanyń Bolgarııadaǵy jarysta úzdik shyqqanyn jazǵan edik.
