Jibek Qulambaeva álemdik reıtıngide 115-orynǵa kóterildi
ASTANA. KAZINFORM — Búgin jańartylǵan álemdik reıtıngide qazaqstandyq tennısshilerdiń orny belgili boldy.
WTA reıtıngisinde jekeleı synda Qazaqstannyń birinshi raketkasy Elena Rybakına 2-ornyn saqtap qalsa, ıÝlııa Pýtıntseva 79-dan 81-ge syrǵydy.
Juptyq synda Anna Danılına burynǵysha 6-orynda tur.
Ótken aptada Gambýrg (Germanııa) WTA 250 týrnıriniń jartylaı fınalyna deıin jetken Jibek Qulambaeva juptyq synda 136-dan birden 115-ke kóterildi. Osylaısha, ol TOP-100-ge jaqyndap keledi.
Aldyńǵy aptada ıAssy (Rýmynııa) WTA 250 jarysynyń fınalynda oınaǵan J.Qulambaeva 174-ten 136-ǵa joǵarylaǵan edi.
Qazaqstannyń erler arasyndaǵy birinshi raketkasy Aleksandr Býblık jekeleı synda ATP reıtıngisinde 11-satyda qalsa, Aleksandr Shevchenko 84-ten 89-ǵa tómendedi.
Kórsetkishin jaqsartqan Tımofeı Skatov 163-ten 150-ge aýysty.
Eske salaıyq, budan buryn Grıgorıı Lomakınniń Túrkııadaǵy týrnırdi sátti bastaǵanyn jazǵan edik.
