Jibek Qulambaeva: Álem chempıonatynyń fınaldyq kezeńi kúrdeli de qyzyqty bolmaq

Komandalyq álem chempıonatynyń fınaldyq kezeńi kúrdeli de qyzyqty bolmaq. Bul týraly tennısten Qazaqstan ulttyq quramasynyń múshesi Jibek Qulambaeva málim etti, dep habarlaıdy Kazinform.

Ispanııanyń Sevılıa qalasynda ótip jatqan Bıllı Djın Kıng kýbogi fınaldyq kezeńiniń toptyq básekesinde erteń Qazaqstan quramasy Aýstralııamen oınaıdy.

Osyǵan oraı juptyq synda álemdik reıtıngte 151-orynda turǵan J.Qulambaeva atalmysh jarysqa barynsha jaqsy ázirlengenin aıtty.

«Sońǵy aılardaǵy oıynyma rızamyn. Juptyq synda birneshe ITF týrnırinde jeńimpaz atandym. Sevılıaǵa burynyraq kelip, daıyndalyp úlgerdim. 9 qarasha kúni ótken jylǵy álem chempıonatynyń fınalısi – Aýstralııa quramasymen sheberlik baıqasamyz. Aýstralııanyń jeti dúrkin álem chempıony atanǵanyn eskersek, bul kezdesý bizge qıynǵa soǵary anyq. Degenmen kapıtannyń nusqaýyn oryndap, durys baǵyt ustansaq, jeńemiz dep oılaımyn», dedi J.Qulambaeva.

Eske sala keteıik, budan buryn Arýjan Saǵyndyqovanyń tennısten el namysyn qorǵaý úlken qurmet ekendigi týraly aıtqanyn jazǵan bolatynbyz.

Beıbit Juqaev AQSh-ta kezekti jeńisine qol jetkizdi.