Jazylbek Bázilbaev 4-shi márte prezıdent saılaýyna qatysýǵa ótinish berdi
Aıta keterligi, bul azamat buǵan deıin de 3 márte prezıdenttik saılaýǵa qatysqan bolatyn. Sybaılas jemqorlyqqa qarsy halyqtyq komıtettiń tóraǵasy J.Bázilbekov buǵan deıin úsh saıası naýqanǵa qatysqanymen úsheýinde de Ortalyq saılaý komıssııasyna bergen ótinishin keri qaıtaryp alǵan edi.
Qazirgi ýaqytta úmitkerlerdiń sany 26 adamǵa jetti. Onyń 24-i saılaýǵa ózin-ózi usynǵandar, al ekeýin, atap aıtqanda, N.Nazarbaevty «Nur Otan» partııasy, al T.Syzdyqovty "Qazaqstannyń kommýnıstik halyq" partııasy usynǵan.
Qazirgi ýaqytta úmitkerlerdiń saılaý talaptaryna sáıkestigi tekserilip, keıbiri lıngvıstıkalyq komıssııaǵa synaq tapsyrý ústinde. Máselen, 8 úmitker tirkelgen joq. Olardyń 2-eýi Konstıtýtsııaǵa sáıkes, saılaýǵa túsý jasyna tolmaǵan. 6-ýy lıngvıstıkalyq komıssııa synaǵyn tapsyra almady. 5 adam lıngvıstıkalyq komıssııa synaǵyn tapsyrdy. Olardyń saılaý talaptaryna sáıkestigi tekserildi. Olar qazirgi ýaqytta senimdi tulǵalaryn tirkep, qol jınaý jumysymen aınalysýda.
