Jazyqsyz janǵa jala japqan polıtseı sottaldy
QYZYLORDA. QazAqparat - Qyzylordada jergilikti polıtsııada buryn qyzmet etken leıtenanttyń bir jylǵa bas bostandyǵy shekteldi. Oǵan dáleldemelerdi qoldan jasady dep aıyp taǵylǵan, dep habarlaıdy QazAqparat tilshisi.
Qyzylorda oblysynyń mamandandyrylǵan aýdanaralyq ákimshilik sotynyń habarlaýynsha, polıtsııa qyzmetkerine taǵylǵan aıyp tolyqtaı dáleldendi. Ol áıel kisige kólikti masań kúıde júrgizgeni úshin aıyppul salǵan. Tipti, ony zańsyz túrde narkodıspanserge baryp tekserilýge májbúr etken.
«Oǵan qosa kólikti birneshe metr jerge deıin zańsyz júrgizgen. Boıjetkenniń ústinen mamandandyrylǵan aýdanaralyq ákimshilik sotyna is túsirgen. Negizinde qyz bala esik aldyndaǵy kólikte qurbysymen áńgimelesip otyrǵan eken. Sot qujattardy saraptaı kele boıjetkenniń eshqandaı kinási joq ekenine kóz jetkizdi», dep jazylǵan habarlamada.
Oblystyq prokýratýra jumysyna salǵyrttyq jasaǵan polıtsııa qyzmetkeriniń ústinen qylmystyq is qozǵaý jóninde sheshim qabyldady. Ol bir jylǵa bas bostandyǵynan aıyryldy. Turǵylyqty jerinde arnaıy baqylaý oryndarynyń nazarynda bolady.
Ádiljan Úmbet
