Jazýshylardyń qalamaqysy eki ese ósedi - senator Erǵalıev
ASTANA. QazAqparat - Senator Jabal Erǵalıevtiń aıtýynsha, osy aıdyń basynda qabyldanǵan jańa zańnyń aıasynda jazýshylardyń qalamaqysy kóteriledi, dep habarlaıdy QazAqparat tilshisi.
"Ádebıet salasynda jazýshylarǵa jasalyp otyrǵan úlken bir qamqorlyq, buryn memlekettik tapsyrys boıynsha kitaptiń tarylymy eki myń dana ǵana bolatyn. Endi, kitaptyń tırajy bes myńǵa jetetin boldy. Sóz joq, osynyń nátıjesinde jazýshylarǵa tólenetin qalamaqy da ósedi. Bul máselede Qazaqstan Jazýshylary odaǵynyń basshysy Nurlan Orazalınniń úlken eńbegin erekshe atap ótý kerek. Senator bolǵan az ǵana ýaqyttyń ishinde ol kelgen kúnnen bastap Májiliste bolsyn, Úkimet saǵatynda bolsyn, jazýshylardyń jaǵdaıyn, olardyń qalamaqy máselesin aıtýmen boldy. Osynyń nátıjesinde tıisti zań qabyldandy. Biz soǵan shyn júrekten qýanamyz", - dedi Erǵalıev búgin Astanada ótken baspasóz máslıxatynda.
Aıta keteıik, aǵymdaǵy jyly 5 mamyrda Prezıdent Nursultan Nazarbaev "QR keıbir zańnamalyq aktilerine mádenıet máseleleri boıynsha ózgerister men tolyqtyrýlar engizý týraly" Zańǵa qol qoıdy. Atalǵan qujatta teatr óneri, mýzeı, baspa isi, kıno jáne taǵy basqa mádenıet salasynyń ózekti máseleleri qamtylǵan.
